အိုင်ဖုန်း သတင်းတွေ ထွက်မည် ( ဥပမာ – Firmware 2.1 ) ဟုလည်း ကြားနေရပြီး လူတိုင်းက ဘာလဲဘာလဲ ဖြစ်နေကြ၏။ iTunes 8 အကြောင်းလည်း သတင်းလှန့်ထားတာတွေ့ရသည်။

ဘယ်လိုပဲပြောပြော ကျွန်တော်ကတော့ တစ်လုံးမှ ၀ယ်ဖြစ်ဦးမည် မဟုတ်။ အသစ်ထွက်မည့် ကွန်ပျူတာကို စောင့်မျှော်နေပြီး ရသမျှ ပိုက်ဆံ ကုတ်ကပ်စုနေမိ၏။ မက်ခ်သတင်းကို စောင့်မျှော်နေတဲ့ သူများအတွက်တော့ မနက်ဖြန်ဟာ စိတ်လှုပ်ရှားစရာမကောင်းပါ။ အောက်တိုဘာလထိ စောင့်ရန်အကြံပေးထားသည်များကို အွန်လိုင်းပေါ်တွင်တွေ့ရပါသည်။ ကျွန်တော်တို့တတွေ သစ်ကုလားအုတ်ဖြစ်မှ မက်ခ်ဘွတ်ခ်အသစ်တွေ ထွက်မည်ထင်ပ။

အတန်းထဲတွင် လူအများ၏ အပြစ်တင်ခြင်းကိုလည်း ခံနေရကြောင်း သတင်းကောင်းပါးလိုပါသေးသည်။ ကျွန်တော့်၏ မိုက်မဲစွာ မက်ခ်ဘွတ်ခ်ကို သူများပေးလိုက်ကာ ပီစီသုံးနေသည့် အပြစ်ကို ၀ိုင်းရှုတ်ချသူများလည်း ရှိသေးသည်။ သေချာတာ တစ်ခုက ၂နှစ်လောက် Keynote သုံးပြီးလျှင် Powerpoint သုံးရသည်မှာ မချစ်မနှစ်သက်သော ဆေးခါးကြီးကို နှာခေါင်းပိတ်ပြီး မျိုချရသည်နှင့်တူနေပေသည်။

Pages, CSSEdit, Expose, Spotlight တို့မရှိသော အခြေအနေမှာ ဒီဇိုင်နာတစ်ယောက်ကို ကီးဘုတ်သာသုံးရမည်ဟု ပညတ်ထားသလိုပင်။
သေချာတာ တစ်ခုကတော့ ကျွန်တော် နောက်ထပ်လအနည်းငယ် ခံစားရဦးမှာပါပဲ။

Zzzzz

Regards,
-W

သေချာတာကတော့ ကျွန်တော်အခု ပီစီ ၁လုံး ယာယီသုံးနေတယ်ဆိုတာပါပဲ။ Brand ကတော့ ကွန်းပက်ခ်ပါ။ HP ရဲ့ လက်အောက်ခံဆိုပါစို့။ အခုလို စက်တင်ဘာကာလ .. ပန်းသီး ကွန်ပျူတာတွေ ဈေးချတဲ့အချိန်မှာ ဘာလို့ ကျွန်တော် … မက်ဘွတ်ခ်ပရို.. ၁လုံး ပြန်မ၀ယ်ဖြစ်လိုက်လဲဆိုတဲ့ မေးခွန်းကို ဖြေကြားမျှဝေချင်ပါတယ်။ =x

- 1 – တစ်ခုက .. အခုလက်ရှိ မက်ဘွတ်ခ်ပရိုတွေဟာ နည်းနည်း အောက်ဒိတ်ဖြစ်နေပါပြီ။ … ဒီဇိုင်းအားဖြင့်လည်း အရင် PowerBook နှင့် ချွတ်စွတ်တူနေတာ နှစ်ပေါင်းမနဲတော့ပါဘူး။ ပရိုဆက်ဆာတွေ ချစ်ပ်စဲတ် တွေဟာလည်း … သူများတွေနဲ့ယှဉ်ရင် နောက်ရောက်နေတယ်လို့ထင်ပါတယ်။ ဥပမာ Fujitsu, Acer, Dell တို့အားလုံး Montevina သုံးနေကြတဲ့အချိန်မှာ သူတို့က …. အရင်ဟာတွေပါပဲ။

- 2 – စက်တင်ဘာကာလ နောက်ဆုံးပတ်လောက်ထိအောင် ရှိနေတဲ့ Back To School ပရိုမိုးရှင်းဟာ အင်မတန် တန်၊ ဈေးသက်သာသော်လည်း တစ်ဖက်ကကြည့်ရင် အဟောင်းတွေ အကုန်.. stock ရှင်းလိုက်တာပါပဲ။ ကျွန်တော်ကတော့ personally လွန်ခဲ့တဲ့၂နှစ် .. ဒီလိုအကွက်ကောင်းမျိုးနဲ့ ၀ယ်ဖူးတော့.. သိနေပါပြီ။ နောက် ၁လ ၂လ ကြရင် .. ပစ္စည်းအသစ်တွေ ထွက်တော့မယ် ဆိုတာ။ ဒီနေရာမှာ … Cost-sensitive customers တွေအတွက်တော့ ရွေးချယ်စရာ နှစ်ခွဖြစ်မနေလောက်ပါဘူး။ ပရိုမိုးရှင်းကြိတ်လိုက် ပြီးရောဆိုပြီး .. တွေးနေမယ်ထင်ပါတယ်။

- 3 – ဒါနဲ့ ကျွန်တော် ပထမ လမ်းစဉ်ဖြစ်တဲ့ .. စောင့်ဆိုင်းရမဲ့ လမ်းကို ရွေးလိုက်တယ်။ (ကျောင်းက ပိုက်ပိုက်ချေးမယ်ဆိုတော့ .. ပျော်ပျော်ပါးပါးကြီးစောင့်တာပေါ့ဗျာ ) ၂လ ရှိပြီ ပေါ်မလာသေးဘူး။ အောက်တိုဘာလဆန်းမှထွက်မယ်လို့လည်း ကြားတယ်။ နောက်ဆုံးအဲ့လောက်ကြာနေတဲ့အဆုံး ကျွန်တော် ကွန်ပျူတာတစ်လုံး ယာယီဝယ်ဖို့ ဆုံးဖြတ်လိုက်တယ်။

- 4 – အပေါတကာ့အပေါဆုံးတွေ လိုက်ရှာတာပေါ့။ eBay, Y! Auctions, Hardware Zone အပါအ၀င် .. Sim Lim က ဆိုင်တွေအဆုံးလိုက်ရှာတာ တွေ့သင့်သလောက်တော့ တွေ့သဗျ။ ကျွန်တော်က ၈၀၀ တန် လက်ပတော့လိုက်ရှာတာ။ ပြီးတော့ ပရောဂျက်တွေ၊ အလုပ်တွေလုပ်ဖို့လည်း … ကိုက်အောင်ဆိုပြီး Requirements ကလည်း မြင့်သေးတယ်။ အဲ့တော့ လွယ်လွယ်နဲ့တော့ မရလိုက်ဘူး။ နောက်ဆုံးဖြစ်ချင်တော့ သုံးမျိုးသွားတွေ့တယ်။ EEE pc 1000h, Acer Extensa 4620, Lenovo, Compaq ဆိုပါစို့။

- 5 – နောက်ဆုံး .. build လည်းကောင်း၊ ပစ္စည်းလည်းစုံ၊ အသစ်ချပ်ချွတ် HP က ကိုယ်တိုင်ရောင်းတဲ့ .. လက်ပတော့ဖြစ်တဲ့ Compaq ၁လုံးရလိုက်တယ်။ … ဟို ပလက်စတစ်သားနဲ့ Acer ကိုတော့ ဖယ်လိုက်တယ်။ စိတ်ဝင်စားရင် လူပါရိုက်သတ်လို့ရတဲ့ Lenovo လည်း ရှောင်လိုက်တယ်။ ပရိုဆက်ဆာမြန်သော်လည်း အလုပ်မတွင်တဲ့ EEE pc လေးကို ဖယ်လိုက်တယ်။ ( ပိုက်ဆံရှိရင်တော့ အဲ့ဒါမျိုးတစ်လုံး ၀ယ်ထားသင့်တယ်။ အရမ်းပေါ့ပြီး အဆင်ပြေတယ်ဗျာ။ )

အဲ့ဒါနဲ့ … သွားတာ့တာပဲ .. ကျွန်တော့်မှာ လောလောဆယ် Vista Premium ကြီးနဲ့ stuck ဖြစ်။ ဒိုမိန်းလည်း ဂျွိုင်းမရ ဘာမရနှင့်၊ အင်း.. နောက်ဘယ်၂လလောက်ထပ်ပြီး စောင့်ရမလဲမသိဘူး။ အိုင်ဖုန်းကလည်း SingTel ပြုသမျှ ခံနေရတော့ .. သွားမလျှောက်ချင်ဘူး။ .. iFlexi ဆိုတဲ့ ပလန်တွေက …. iBankrupt လို့တောင် ပြောလို့ရတယ်။ .. ကြောက်ဖို့ကောင်းလောက်အောင် ဈေးကြီးတယ်ဗျိုး … ။

Regards,
-W

အဲ့ဒီ iPhone OS ကို ထုံးစံအတိုင်း အလွှာတွေ အများကြီးနှင့်တည်ဆောက်ထားပါတယ်။ များတယ်လို့ပြောပေမယ့် တကယ်တမ်း အဓိကပိုင်းခြားကြည့်လိုက်ရင် လေးခုပဲရှိပါတယ်။ အောက်ဆုံးက Core OS ကြီးပါ။ Thread, Kernal, IO, File System, BSD Sockets တွေကိုထိန်းတဲ့နေရာပေါ့ဗျာ။ သူ့အပေါ်မှာ Core Services တွေရှိပါတယ်။ SQLite, XML, DNS Hosts တွေကို resolve လုပ်ချင်သလား၊ Security ကိစိပိစိတွေကို ထိန်းချုပ်ချင်သလား၊ ဒီနေရာမှာလုပ်နိုင်ပါတယ်။ ပင်ဂွင်းသမားတွေကတော့ Shell တွေလို့ခေါ်ချင်ခေါ်နိုင်ပါတယ်။ သူ့အပေါ်မှာကတော့ လှပတဲ့ Media လေယာရှိပါတယ်။ ဒီကောင်က ကျွန်တော်တို့ မြင်နေရတဲ့ အလှအပအနုအရွ လှုပ်ရှားမှုတွေကို ခြယ်မှုန်းတဲ့နေရာပေါ့။ OpenGL, OpenAL စတဲ့ ဖောင်ဒေးရှင်း framework တွေရှိတဲ့အပြင် open source နည်းပညာတွေ သုံးထားတဲ့အတွက် သင်အဲ့ဒီ Media Layer အတွက်ရေးပြီးတဲ့ ကုဒ်တွေကို တခြား open စနစ်တွေ support လုပ်တဲ့ platform တွေမှာလည်း ပြန်သုံးလို့ရပါတယ်။ နောက်ဆုံး အပေါ်ဆုံးမှာကတော့ Cocoa Touch ဆိုတာရှိပါတယ်။ .. ဒါနှင့် Cocoa ဆိုတာ ပန်းသီး OS X ရဲ့ ကုဒ်ရေးတဲ့ Framework ကိုခေါ်တာပါ။ ဒီအိုင်ဖုန်းအတွက်ကတော့ Touch လို့ရလို့ Cocoa Touch ပေါ့။ ပုံမှန် ကျွန်တော်တို့ Application တွေရေးရင် အဲ့ဒီလေယာနှင့်ပဲ သုံးသင့်ပါတယ်။ သူ့မှာရှိသမျှ function call တွေ အကုန်နီးပါး ထည့်ပေးထားလို့ Camera, Accelormeter, Vibration စတဲ့ hardware feature တွေတောင် ထိန်းချုပ်လို့ရပါတယ်။ အဲ့တော့ ဒီလေယာက အသက်လို့ခေါ်ရပါမယ်။ အလွယ်ဆုံးနှင့် ပရိုဂရမ်ရေးဖို့ အမြန်ဆုံးပါ။ … အဲ့နောက်ဆုံး စိတ်မကျေနပ်လို့ ဟိုး Core OS ကိုပါ ထိန်းချင်တယ်ဆိုလည်း အဆင်ပြေအောင် လုပ်ထားပေးပါတယ်။ လုပ်ချင်သလိုသာ လုပ်ပါတဲ့။

အားလုံးကောင်းနေပေမယ့် အဓိက အတားအဆီးက Objective-C ပါ။ ကျွန်တော် C မိသားစုဝင်တွေကို သင်ယူခဲ့ဖူးပေမယ့် ဒီလဒကတော့ မပါပါဘူး။ တော်ရုံ Developer က မအားတဲ့ကြားကနေ ဘာသာစကား နောက်တစ်ခုထပ်သင်ဖို့ဆိုတာ အလုပ်အင်မတန်ရှုပ်ပါတယ်။ Sun က Java ကို native ရေးပေးလိုက်ရင်တော့ ဒီကိစ္စတွေက တစ်မျိုးတမည်ဖြစ်လာမှာပါ။ ဒါပေမယ့် ကျွန်တော်တို့ J2ME မှာလုပ်သလို .. ဥပမာ .. ဂိမ်း package တွေဆိုပါစို့။ အဲ့ဒီက keypad တွေကို ထိန်းတဲ့ methods တွေဟာ အိုင်ဖုန်းမှာ သုံးမရပါဘူး။ သူ့မှာ ခလုတ်မှမရှိပဲ။ အဟီး CLDC (connected limited device profile) 1.1 လက်ရှိကို … 1.5 လောက်ထိ မြှင့်လိုက်မလားပဲ။ =P ဒါမှမဟုတ် .. MIDP 2.0 ကို … 3.0 လောက်ထပ်တင်ပြီး သီးသန့်ရေးရမယ်ထင်တယ်။ ကြည့်ကြတာပေါ့ဗျာ။ Java ပဲ လုပ်ထားကွဆိုပြီး ဟစ်နေရမလိုပဲ။ =D

လောလောဆယ်တော့ ဆက်ဖတ်ဆဲပဲဗျာ။ အဓိကက ကီးဘုတ်ပဲ မဟုတ်လား။ အမြန်ရေးရမယ်လေ။ Tsk tsk tsk.

-WaiPK

၁။ <a href="
http://www.macfixit.com/article.php?story=20080425103744985″ target=”_blank”>MacFixIt ကပေးတဲ့ နည်း
၂။ Language Pack ကို အင်္ဂလိပ်ထားပြီး သွင်းကြည့်ပါတဲ့။
၃။ Windows Installer 3.1 v2 ဒေါင်းလုပ်လုပ်ပြီး အဲ့ဒါကို အရင်သွင်းပြီးမှ ထပ်သွင်းကြည့်ပါတဲ့။
၎။ နောက်ဆုံးမရရင် OSX Leopard Restore disc နှင့် Bootcamp 2.0 ကို ပြန်ထုတ်ပြီး 2.0 ထပ်/ပြန် သွင်းပါ။ ပြီးရင် 2.1 ကိုသွင်းပါ။ အိုကေပါလိမ့်မယ်။

ကျွန်တော့်အတွက်ကတော့ အပေါ်သုံးချက်လုံး အဆင်မပြေသေးဘူး။ နောက်ဆုံးအချက်ကိုလုပ်ဖို့ ခွေရှာမတွေ့သေးလို့ ဘာမှလုပ်မရဘူး။ ပြောကြတာတော့ အိုကေပါတယ်ဆိုပဲ။ နောက်ပြီးပြဿနာက ဘယ်ကစလဲဆိုရင် Apple Software Update (Vista) မှာ BC2.1 update ပေါ်လာတယ်ဗျ။ ဒါပေမယ့် ကျွန်တော် Cancel လုပ်လိုက်ပြီး နောက်တော့မှ အွန်လိုင်းပေါ်က Standalone exe ပြန်ဒေါင်းလုပ်လုပ်ပြီးသွင်းတာ သွင်းမရတော့တာ။ သူ့ဘာသာ အော်တိုငုတ်တုတ် သွင်းလိုက်ရင်ပြီးရောဗျာ။ =( [အဲ့တာလည်း တစ်ချို့ပြောတော့ မရဘူးဆိုပဲ]

- WaiPK

#1 – Open Registry Editor! Press Windows Key + R, then type, regedit.

#2 – When Registry Editor opens, expand “HKEY_LOCAL_MACHINE”, expand “SOFTWARE”, then find “Microsoft” and expand.
#3 – Then, find “Windows” and expand. You will see “CurrentVersion”. … then, expand “App Paths” again.

#4 – Here you can see tons of .exes in the list. Your application need to be one of the list!
#5 – So, right click on “App Paths” –> New –> Key.

#6 – Change the key name to the one you’re gonna type in “Run command box” .. if u want to type only gtalk .. so put it “gtalk.exe”. Make sure you put “.exe”!

#7 – Alright, now, just click on “(Default)” and “Modify”.

#8 – Then, type in the path of the application you wish to open. Mine is Gtalk, which lies under ProgramFiles\GoogleTalk.!

Click OK. Close Registry Editor. Now try launching your favourite application from “Run box”. Press Win+R, type “gtalk”, click OK. That application should launch properly =D

[Should there are any discrepancies, you might sound off in the comments! Thx fellas. ]

- WaiPK

ကျေးဇူးပြုပြီး ဒီအချက်များကို နားထောင်ကာ ၃မိနစ်မျှ စဉ်းစားပေးစေလိုပါသည်။

၁။ ကျောင်းသားတိုင်းသည် နိုင်ငံရပ်ခြားကို သွားချင်ကြသူမဟုတ်၊ သူများသွားတိုင်း လိုက်မသွားစေလိုပါ။ ဒီအချက်အရမ်းအရေးကြီးပါသည်။ ဒါဟာ ဖက်ရှင်တစ်ခုမဟုတ်ပါ။ ကလေးကစားစရာမဟုတ်ပါ။ Risk တစ်ခုဖြစ်ပါသည်။ ကျွန်တော်တို့ ပြောပြောနေတဲ့ Right Match ဆိုသည်မှာ ဒီအရာကို ဆိုလိုသည်ဟု ပြောချင်ပါသည်။ လူသည် သူအသင့်တော်ဆုံး၊ အကောင်းဆုံးဖြစ်သည့်နေရာတွင် အကောင်းဆုံးစွမ်းရည်ကိုထုတ်ကာ ဆောင်ရွက်နိုင်ပါသည်။ ကျွန်တော့် ဘော်ဒါများထဲတွင် အောင်မြင်နေကြသူများမနည်းပင်။ ဒီကိစ္စပြောရခြင်းမှာ မိဘကို ဒုက္ခပေးကာ နိုင်ငံခြားထွက်လာသော ကျောင်းသားများသည် စိတ်မပါတပါနှင့် ပျက်စီးသွားသဖြင့် အားလုံး အဆိုးဖက်ကိုသာ ဦးတည်ခဲ့ကြသည်ကို ကျွန်တော်တို့တွေ့ခဲ့ရသည်။ စိတ်တကယ်ပါမှ တကယ်လုပ်သင့်ကြောင်း ပြောလိုပါသည်။ တစ်ဖက်ကကြည့်လျှင် မိဘများအတင်း ထွက်ခိုင်းရင်လည်း ပြန်လည်ခေါင်းချင်းဆိုင် ဆွေးနွေးသင့်ပေသည်။

၂။ စာမေးပွဲများကို စွတ်တရွတ်မဖြေသင့်ပါ။ သင်ဘယ်နိုင်ငံတွင် ပညာဆက်သင်ချင်လဲဆိုသည်ကို ပထမအွန်လိုင်းတွင်လေ့လာကြည့်သင့်ပါသည်။ အေးဂျင့်များသည် Consulting ကောင်းသော်လည်း ပါးပါးလှီးတတ်သဖြင့် ကျွန်တော့်တုံးက ဆိုလျှင် ကွန်ပျူတာနှင့် အင်တာနက်သာ အဓိကအားကိုးရာဖြစ်ခဲ့ပါသည်။ တချို့များ စိတ်မကောင်းစရာဖြင့် ပေါင်နှံလိုက်ရသည်မှာ ကလေးက ဟိုဖက်ကမ်းတောင်မရောက်လိုက်ရ။ အခုနေပြန်ပြောကြရင် ကျွန်တော်တို့ သူငယ်ချင်းတစ်သိုက် ရီမောရသော အဖြစ်များပင်။ ကိုယ်တွေလည်း ခံခဲ့ရသူတွေပဲလေ။ အဲ့ခေတ်က အင်တာနက် သိပ်မဖွံ့ဖြိုးသေးသောကာလတွင်ပင် တော်တော်လေး ထက်သော ကျောင်းသားများလည်းရှိခဲ့ပါသည်။ (မိဘ မချမ်းသာပါ။) ကျွန်တော့်ကိုယ်ကျွန်တော် အင်တာနက်ကြည့်ပြီး ဘယ်ကျောင်းကောင်းလဲ ရွေးချယ်နေသည်ကို တော်လှပြီဟု လေထဲမြှောက်နေခိုက်တွင် သူတို့သည် ကမ္ဘာလုံးကို ဟိုဖက်ဒီဖက်လှည့်ပြီး ကန်၊စလုံး၊မလေး၊ထိုင်း ကတော့ဖြင့် ပိုက်ဆံချေးငွေဖြင့်တက်လို့ရသည်။ ဘိလပ်၊အော်ဇီ၊အန်ဇီ ကတော့ဖြင့် ကျောင်းလွယ်ပြီး တိုင်းပြည်ကိုဘယ်လိုဝင်ရခက်သည်၊ လူမျိုးရေးဘယ်နိုင်ငံက ဘယ်လိုခွဲခြားပြီး ဈေးဘယ်လောက်ရှိသည်ကို အမ်မယ်.. ကွင်းကွင်းကြီး သိနေတာဗျာ။ ပြောချင်သည်ကတော့ များများဖတ်ပါ။ ဒီနေရာတွင်လည်း ကိုယ်နှင့်ကီးကိုက်မဲ့ အရာကိုစဉ်းစားကြစေလိုပါသည်။

၃။ အပေါ်ကအချက်ကို ပြောရင်းနှင့် စာမေးပွဲကိစ္စကိုတောင်ကျော်သွားပြီ။ သူများ အက်စ်အေတီလုပ်တိုင်း လိုက်လုပ်စရာမလိုပါ။ မှတ်သားထားဖူးသလောက် အိုလယ်ဗယ်သည် ဘိလပ်သွားချင်သူများအတွက် လိုအပ်သော်လည်း တခြားကျောင်းတွေမှာ ကျွန်တော်တို့ ဆယ်တန်းကို ရှယ်အသိအမှတ်ပြုပါသည်။ ကိုယ်ကဆယ်တန်း အမှတ်ကောင်းနေရင် ဘာမှကြောက်စရာမလို။ အချိန်ကုန်ခံပြီး နှစ်ခါထပ်မဲ့ အလုပ်တွေသည် သင့်ဖွတ်ကလိဒင်္ဂါးသာ ပြားချပ်ချပ
်ဖြစ်သွားနိုင်ပါသည်။ ဒါပေမယ့် အင်္ဂလိပ်စာကတော့ အရေးကြီးပါသည်။ တိုဘဲဖယ်ဖယ် .. အိုင်ပဲယက်ယက် ကြိုက်တဲ့ဟာသာ လုပ်ထား စကားမပြောတတ်ရင် နားမလည်ရင် ဘာမှလုပ်မရပါဘူး။ တိုင်းပြည်၊ region ကိုရွေးပါ။ ငွေနှင့်အချိန် အလကားကုန်မဲ့အတန်းတွေ မတက်ပါနှင့်။ ကိုယ်နှင့်သင့်တော်တဲ့ အတန်းတွေသာ တက်လိုက်ပါ။ နောက်ပြီး တစ်ချက်အွန်လိုင်းတွင်လေ့လာပြီး ကျော်လွှားဖို့ စဉ်းစားပါ။ SAT လုပ်မရလို့၊ ACT ပြောင်းလုပ်လိုက်ချင်းသည် strategic move ၁ခုလိုပါပဲ။ တစ်ခုမအိုကေရင် ၃နှစ်လောက်လဲ ဖိမလုပ်နေပါနှင့် ဆရာတို့။ ကိုယ်အားသန်သော စာမေးပွဲကို ကောင်းကောင်းမြန်မြန် ဖြေနိုင်မှသာ သင်တက်ချင်သော ကျောင်းကို ချက်ကောင်းခွပ်ပြီး မြန်မြန်ရောက်ပါလိမ့်မယ်။

၎။ နောက် ကိုယ်တစ်သက်လုံး လုပ်စားမဲ့အရာကို လည်း မမေ့ပါနှင့်။ ကိုယ့် profession ကို ဘယ်တော့မှ လွယ်လွယ်နှင့် အပျောက်မခံသင့်ပေ။ ကျောင်းရတိုင်းထွက်လိုက်ပြီး အဆင်မပြေရင် သင်နှင့် သင့်မိသားစုတစ်ခုလုံး စိတ်ဆင်းရဲရပါလိမ့်မယ်။ ကျွန်တော့်ဘ၀တွင် မိဘနှင့် အတိုက်အခံပြောခဲ့ရဖူးသည်။ ကိုယ်က ကွန်ပျူတာစိတ်ဝင်စားသည်။ နောက်တစ်ယောက်တည်းအေးအေးနေပြီး တကိုယ်ရေတကာယ၊ ကမ္ဘာပတ်ခြေရှည်ကာ လိုက်ပြီးပညာသင်ကျက်စား ( ရပင့်ကို အထူးသတိပြု ) ရသည်ကို သဘောကျသည်။ လောင်းရိပ်အောက်တွင်နေရသည်ထက် ကိုယ့်ဘာသာ လျှောက်လုပ်ပြီး Risks ယူရသည်ကို ပိုကြိုက်သဖြင့် အိမ်က ပေးသော Option ကို ကြောက်အားလန့်အား ရုန်းကန်ငြင်း ဆွေးနွေးကာ၊ ဒီမှာစာလာဖတ်သည်။ အဲ့တော့ ကိုယ့်ကို Suit ဖြစ်သော အလုပ်လုပ်ရသဖြင့် ဘယ်တော့မှ စိတ်မညစ် ခိုလိုမညည်းနေတော့ပေ။ မယုံရင် စမ်းကြည့်ပါ။

ကျွန်တော်က ပြင်ဆင်မှုအပိုင်းတွေဘဲပြောတာပါ။ အားလုံးအိုကေပြီဆိုရင် ကျောင်းတွေဘာတွေလျှောက်ပေါ့။ အေးဂျင့်တွေနှင့် မလုပ်ချင်ဘူး၊ အလုပ်မဖြစ်ဘူးထင်ရင်လည်း ၀ဗ်ဆိုက်များတွင်တစ်ချက်ကြည့်ပါ။ တပြားမှမကုန်ဘဲ အလကားလည်း လျှောက်လို့ရပါတယ်။ deadlines တွေဟာလည်း အရေးကြီးဆုံးအရာတွေထဲမှာပါပါတယ်။ ဒါတွေက တကဏ္ဍတွေပါ။ အကုန်လုံးပြောဖို့ဆိုရင် အေးဂျင့်တွေနှင့် ရန်ဖြစ်ရပါလိမ့်မယ်။ အဟီး။ အီးမေးပို့ပြီး မေးချင်ရင် သန့်ဇင်ဦးကိုမေးပါ။ (သူကသဟာမျိုးတွေ ပိုကျွမ်း xD )။

အမ်း.ကျွန်တော်ကတော့ ကျွန်တော့်ညီကို သူလုပ်ချင်တဲ့ဟာသာ တက်ပလေ့စေလို့။ နံပါတ်၁ အချက်သည် အလွန်အရေးကြီးပါသည်။ ပြီးမှ တငိုငိုတရီရီနှင့် ဟိုရမ်းဒီရမ်း ယစ်မူးပျော်ပါးနေလျှင် ကျွန်တော်တို့ သူငယ်ချင်းများ၊ မိဘဆွေမျိုးများလည်း စိတ်ဆင်းရဲရပါမယ်။ ကိုယ်နေချင်သော နေရာတွင်လုပ်ပြီး အကောင်းဆုံးတွေ လုပ်နေခြင်းကို ဘယ်သူမှ တားနိုင်မှာမဟုတ်တာ အမှန်ပါ။

Rgds,
-Wai

ကျွန်တော့်ဘ၀တွင် အကြိမ်ပေါင်းများစွာ သင်္ကြန်ကို ကောင်းကောင်းမွန်မွန် ဇာတ်မသိမ်းနိုင်ခဲ့ဟု ပြောလျှင် ယုံမှာမဟုတ်။ ၈နှစ်သားက ရေပူဖောင်းတွေ ပုံးအပြည့် ဆော့ခဲ့ဖူးသည်။ တွေ့သမျှ ခွေးပါမကျန်လိုက်ပေါက်သဖြင့် အလွန် သောက်မြင်ကပ်စရာကောင်းသော ကလေး၁ယောက်ဟု ပတ်ဝန်းကျင်ကတော့ သမုတ်ကြသည်။ ကြမ္မာတစ်ပတ်လည် စတမ်းဆိုသလို နောက်ဆုံးအတက်နေ့တွင် ဘာမဟုတ်သော ကြောင်တစ်ကောင်ကို ရေပူဖောင်းဖြင့် လိုက်ပေါက်ရာမှ ဆိုက်ကားအတိုက်ခံခဲ့ရလေသည်။ နောက်နှစ်တွေမှစပြီး ရေပူဖောင်းမသုံးရတော့ ဆိုသဖြင့် ကျွန်တော့်မှာ နှမြောတသသ စုတ်တသပ်သပ်ဖြင့်။

ကျွန်တော် ၁၀နှစ်သားက ဖြစ်သည်။ အဲ့တုံးက မိုင်လိုပုံးဟု ခေါ်သည့် အင်ဂျင်ဝိုင်ပုံးမှာ လက်စွဲတော်ဖြစ်ခဲ့သည်။ လွယ်အိပ် တစ်လုံးတွင်ထည့်ကာ လမ်းတကာလှည့် ပြွတ်တပ်လျှောက်သွားပြီး ၃ရက်လုံး ပျော်ပြီး နောက်ဆုံးနေ့တွင် လမ်းမှာလာနေသော သင်္ကြန်ကားကို အပြေးအလွှားလိုက်အပက် ခြေချော်ကာ မြောင်းထဲသို့ ဒိုင်ဗင်ထိုးသွားလေသည်။ မေးကွဲကာ ထုံနေသဖြင့် အထုံသင်္ကြန် (တရုတ်ကြီးနှင့်မမှားစေလိုပါ) ဟု ကင်ပွန်းတပ်ခဲ့ရသည်။

နောက် ၁၂နှစ်ကျတော့ လူလည်းအတော်အတန် အရွယ်ရောက်လာပြီဖြစ်သဖြင့် ခွက်စောင်းခွက်လတ် အားပါးတရအကုန် ထုတ်သုံးကာကဲလေသည်။ ပြဿနာက ယခင်က ပြွတ်တလုံးနှင့်သာ အားသန်သော ကျွန်တော့်မှာ အဲ့ဒီနို့ဆီခွက်တွေကို သိပ်မကိုင်တတ်၊ အိမ်က အဖေ ရေနွေးသောက်တဲ့ ကိုင်းခွက်ကြီးနှင့်သာ ဆော်လေသည်။ ဖြစ်ချင်တော့ နောက်ဆုံးနေ့တွင်ပဲ ရေပက်ခံကားတစ်စီးအလာတွင် ခွက်နှင့်အားပါးတရ လွှဲလိုက်သည်မှာ ဖုန်း ခွပ် အား .. ဆိုသော အသံနက်ကြီးသာ ထွက်လာသည်။ ကြည့်လိုက်တော့ လူနှစ်ယောက်မျက်နှာတွေ အုပ်လို့၊ ရုပ်တည်နှင့် ဘာဖြစ်သလဲသွားမေးတော့ အဲ့ကလူတစ်ယောက်က ကျွန်တော့်ခွက်ကြီးထုတ်ပေးသည်။ မင်းဘယ်လိုလုပ်လိုက်သလဲတဲ့။ အဟီးလို့၊ ပြီးတော့ဆက်မေးသည်။
ဘာလို့ဟိုတစ်ယောက်ကရောမျက်နှာကြီးအုပ်ထားသနည်းဟု။ သိလိုက်ရတာကတော့ ကျွန်တော် ခွက်တစ်လုံးနှင့် ငှက်နှစ်ကောင်အုပ်လိုက်ခြင်းပင်။ အထိခံရသောလူက ကြောက်အားလန့်အား ကမူးရှုးထိုးဖြင့် ဘေးလူကို ယောင်ပြီး လက်သီးစာကျွေးလိုက်တာဆိုပဲ။ အဟဲအဟဲနှင့် သကာပေါ် Mayonnese လောင်းသောမျက်နှာဖြင့် ခွက်ကိုယူကာ ခြေကုန်သုတ်ပြေးတော့လေသည်။

နောက်နှစ်တွင်လည်း ဆိုးခဲ့သော အဖြစ်အပျက်များရှိခဲ့သေးသည်။ ကောင်မလေးတွေနောက်လိုက်ရင်း ကားပေါ်ကကျကျန်ခဲ့သည်၊ ကလေးကိုရေပုံးနှင့် ပက်သဖြင့် ရေနှစ်သတ်ပါသည်ဆိုပြီး လိုက်ရိုက်သဖြင့်ပြေးခဲ့ရသည်။ … ဒီလိုနှင့် ဝေးဝေးဝေး။

သုံးနှစ်ရှိခဲ့ပြီ ကျွန်တော်သင်္ကြန်မနေတာ၊ ပိုပြီး Hot လာတာကောင်းပေမဲ့ ယပလက် သင်္ကြန်လို လူတွေခဏခဏသေမယ်ဆိုရင်တော့ မဟော့ တာပဲကောင်းလေမလား။ American Pie က ကော်လိပ်ပါတီတွေလို မဏ္ဍပ်တွေနောက်မှာ ဖြစ်ကုန်ပြီဆိုတာကလည်း သိပ်ကောင်းတဲ့ကိစ္စမဟုတ်၊ အတုခိုးသော်လည်း မမှီမကမ်းခိုးသဖြင့် ဒုက္ခရောက်သွားသော သူငယ်ချင်းတွေကိုကြည့်ရတာ စိတ်မကောင်းစရာပင်။ အပျော်ကိုတောင် နဖားကြိုးတပ်ချင်တဲ့ ကျွန်တော့်ကို စကားလုံးတွေနှင့် bombard မဲ့ လူတွေရှိနေတော့လည်း ဆိတ်ဆိတ်နေလိုက်တာ ကောင်းပါတယ်ဆရာ။

တာ့တာ သိကြား၊
(မာတလိ, u too).

- W

(မကြာခင်ကာလ ၁ခု)
ဂျင်ပေါက်ကြသည်။ အ၀ိုင်းဂျင်ကော အပြင်ဂျင်ကော စို့ ဆိုလား စုပ်ဆိုလား မသိဘူး။ တစ်ကောင်က တိုင်ပေးလိုက်သည်။ ခွပ်ခွပ်ခွပ် နှင့် သူများဂျင်လေး ကွဲသွားသည်ကို မေးတစ်ပွတ်ပွတ်နှင့် ကျေနပ်နေကြတာ မြင်မကောင်းပင်။ ခဏကြာတော့ .. ဟေးဝေဖြိုး မင်းက စို့စပတ် လုပ်တတ်တယ်ဆို.. ငါသူများဆီက ကြားတယ်။ ကျွန်တော်က ဆရာကြီးလေသံနှင့် အေး ပြော .. ယောက်ျားလား၊ မိန်းမလား ၊ ရထားလား ဘာလားဆိုပြီး Options တွေ ပေးလိုက်သည်။ ဟိုကောင်က ပေါ်လာသော စိတ်ကုူး dropdownlist ထဲက ၁ခုရွေးပြီး ဖြေလိုက်တယ်၊ မိန်းမ လုပ်ကွာ! (၁မျိုးမထင်ပါနှင့်)။ အဲ့တော့ ကျွန်တော် .. အဟမ်း. ကြိုးကို သေချာရစ်သည်။ စိတ်ထဲကတော့ သွားပြီလို့.. မလုပ်လည်းမလုပ်တတ်ဘဲနှင့်။ လာလေရော့ ဆိုကာ .. ဂီယာထိုးသလို (အမူအရာနှင့်) လှမ်းဆွဲလိုက်သည်။ အဖြစ်အပျက်က မြန်လွန်းသည်မှာ ဘာမှ မမြင်လိုက်ရ။ ရွှီး .. ၀ှီး .. ခွမ်း .. ခွပ် ..(အတန်ကြာမှ) …. အား .. ဟု အသံနက်ကြီးကြားလိုက်ရသည်။ သွားကြည့်တော့ ဘယာကြော်ကုလား နဖူးလေး ပွတ်ကာ အဓိပ္ဗါယ်ရှိစွာ မှဲ့ပြနေတာကို တွေ့လိုက်ရတယ်။ အွမ်.

(စိတ်လေသွားသောကာလ)
သူငယ်ချင်းများ အလုပ်ရှုပ်နေသည်ကို တွေ့ရသည်။ ဖိနပ်တွေ တစ်ပစ်ပစ်၊ ဂေါ်လီတွေ တစ်အိပ်နှင့် ယောက်ယက်ခတ်နေသည်။ ကျွန်တော်က ဟကောင်တွေ မင်းတို့ အဲ့ဒီအရုပ်ပစ်တာ မကစားနှင့်၊ ကျင်းလည်း မစိန်နှင့်။ ငါတို့ ဒိုးဒိုးချင်း ပစ်မယ်။ ဟိုကောင်တွေက ကျွန်တော့်ကိုမြင်ကတည်းက ကျွတ်နေသော်လည်း ဗယာကြော် ၀ယ်ကျွေးထားသော မျက်နှာဖြင့် (ဟိုနေ့က တစ်ဗန်းလုံးဝယ်လိုက်တယ်လေ ။ ငှဲငှဲ ) အေး … Sure, let’s move. ဒိုးလေးတွေ တည်လိုက်သည်။ ကျွန်တော် အဲ့ဒီနေ့က ရွှံ့ဒိုးလေးနှင့် .. ခွပ် ခွပ် .. သွားပြီ ကွဲသွားပေပြီ။ ရှိတာမှ တစ်လုံးတည်း။ ကျွန်တော် ခဏလေသွားတယ် ပြီးတော့ ပြန်တက်သွားတယ်။ သစ်သားဒိုးတစ်လုံး ယူလာတယ်။ အလုပ်မဖြစ်၊ နောက် . ဖန်တစ်လုံးနှင့် ဆက်ဆော့တယ်။ ထပ်ကွဲတယ်။ နောက်ဆုံး .. အဒေါ်ကို သိမ်ကြီးဈေးကနေ လမ်းကြုံမှာလိုက်တယ်။ ကျွန်တော့်ကို အမာဆုံး ဒိုး၁လုံး ၀ယ်ခဲ့ပေးစမ်းပါလို့။ .. မီး၂ခါဖြတ်ခန့် အကြာမှာ ပြန်ရောက်လာတယ်။ ဟောဒါ စလစ်(ကျောက်စရစ်) ဒိုးတဲ့။ ဟဲဟဲ ပျော်တာပေါ့။ ကျွန်တော် ဟိုကောင်တွေကို ကောင်းကောင်းအနိုင်ကျင့် ပေးလိုက်တယ်။ .. ဒါပေမယ့် ကြာကြာမခံခဲ့ရပါဘူး။ ဘယ်ကာလ ကတည်းက ကြည့်မရသော လဒတစ်ကောင်က အပေါ်ကို ပြန်တက်သွားသည်။ နောက်တော့ ဒိုးတစ်လုံး ယူပြီးဆင်းလာတယ်။ ကြည့်လိုက်တော့ ဂေါက်သီးကြီး ။ .. ဟိုက်ရှားလပတ်ဒိုး ။

(တော်ပြီ .. Visit Myanmar Year)
ကြားထဲမှာ တခြားကာလတွေ ရှိခဲ့၊ ကစားနည်းမျိုးစုံကစားခဲ့သေးတယ်။ တူတူပုန်းတမ်းကစားရင်း မြောင်းထဲ ခြေထောက်တစ်ဖက် ကျွံသွားသဖြင့် မနည်းပြန်နုတ်ယူခဲ့ရသေးတယ်။ ခဏအနားယူပြီးနောက် .. စွန်လွှတ်လေသည်။ အင်မတန် အောင်မြင်ခဲ့တဲ့ ကစားနည်းတစ်ခုဖြစ်ပြီး၊ လှလည်းလှ၊ ပညာလည်းပါ၊ ကျန်းလည်းမာသောအရာပင်။ အလှစွန်၊ ဆီစိမ်စွန်၊ တိုက်စွန်၊ ပလပ်စတစ်စွန်၊ လူ၂လံလောက်ရှိသောစွန် စသဖြင့် သောင်းကျန်းခဲ့ကြသည်။ ရစ်လုံးတွေ ၀ယ်ဥကာ အကောင်းဆုံး မှန်စာကြိုးကို ရှာခဲ့ကြတယ်။ ကျွန်တော်ကတော့ ကစားတိုင်းရှုံးနေလို့ နောက်ဆုံး စွန်ကောက်သောဘ၀သာ ရောက်ခဲ့ပါတော့တယ်။

(ခေတ်စပျက်ခြင်း … )
ကွန်ပျူတာကို ငါးတန်းလောက်ကတည်းက ကပ်သုံးခွင့်ရတဲ့အတွက် ကျွန်တော်က သူငယ်ချင်းများကြားထဲမှာ ဆရာပင်။ MICT ကြီးအရမ်း စန်းထသောကာလ ၁ခုတွင်ဖြစ်သည်။ ကျွန်တော် တစ်ယောက်တည်း သွားရမှာ ပျင်းသဖြင့်၊ ဘော်ဒါ၂ကောင်ကို ခေါ်သွားသည်။ သူတို့ကတော့ ချောဆွဲတာခံလိုက်ရပြီး ပါလာတယ်ဆိုပါစို့။ ဟိုရောက်တော့ အဆင့်မြင့်နည်းပညာတွေကို ပြသပြီး .. အားလုံးတပြုံးပြုံးနှင့်။ နောက်တော့ အခန်း၁ခုတွေ့သည် .. ဂိမ်းကစားနိုင်သည်တဲ့။ ကျွန်တော်က အိမ်မှာ ကွန်ပျူတာဂိမ်းကောင်းကောင်းကစားနေပြီးဖြစ်တဲ့အတွက် ဘယ်လုိုမှမနေ၊ သူတို့က စမ်းကြည့်ချင်သည်တဲ့။ Red Alert ကို ကစားပြလိုက်သည်။ မကြိုက်ဘူးတဲ့ အဲ့ဒီ ကြွက်ဆိုတဲ့အကောင်ကို ကြည့်မရဆိုပဲ။ နောက်တော့ မကြိုက်သာမကြိုက်တာ တနေကုန်သွားသည်။ ပြန်တဲ့လမ်းတွင်တော့ အတွေးကိုယ်စီနှင့်.. ဘာလုပ်မလဲကျွန်တော် စောင့်ကြည့်နေသည်။ ၂ပတ်ကြာတော့ .. ဟေး ငါဂိမ်းဆိုင်၁ခု ဖွင့်တာတွေ့တယ်။ ယောက်လမ်းထဲမှာ .. ထပ်သင်ပေးဦးဟု တစ်ကောင်က လာပြောသဖြင့် ကျွန်တော်တို့ ရောက်သွားသည်။ အဲ့ဒီခေတ်က ဘယ်သူမှ မကစားသေးသဖြင့် ဆိုင်တွေက လူခပ်ခြောက်ခြောက်၊ အဲ့လိုနှင့် ….. ဘာဆက်ဖြစ်လဲ ခင်ဗျားတို့သိပါတယ်။ ကူးစက်သွားတယ်လေ။ ကျွန်တော်တို့ အရင်က လမ်းပေါ်က အချိန်တွေအားလုံး အဲ့ဒီကိုရောက်သွားတယ်။ သေနတ်ပစ် ဗုံးခွဲရတာက ဂျင်ပေါက်တာထက်ပိုကောင်းတယ်ဆိုပဲ။ … ကျူရှင်မရှိဘဲ အချိန်ပိုတွေတက်သည်ဟု ပြောခဲ့ရပေါင်းလည်း မနည်းခဲ့ပေ။ ဆယ်တန်းကို အေးဆေးပါလို့။ ကဂျိုးကဂျောင် လျှောက်မလုပ်ရင် ပြီးတာပဲ အဓိကကလို့ဆိုကာ .. စာမေးပွဲရက်တွင်ပင် တစ်ချို့များသွားကစားဖြစ်ကြသေးသည်။ ဒါလည်း Distinctions တွေနှင့်ပါပဲ။

(ကုန်လေပြီ)
ဘ၀ကရုတ်ခြည်းပြောင်းသွားသည်။ တနေ့တနေ့ ဖင်အင်မတန်ပူသော ထိုင်ခုံတွေပေါ်တွင်ထိုင်ပြီး မျက်စိအညောင်းခံ ခေါက်ဆွဲပြုတ်ဖိုး အကုန်ခံကာ .. ဖရုသ၀ါစာအပြည့်နှင့် ကစားနေကြသည်။ အချိန်တွေအချိန်တွေ ကျွန်တော်တို့ဆီမှာ ကမ္ဘာပေါ်ကအခြားတိုင်းပြည်တွေနှင့်မတူ ပြက္ခဒိန်တစ်မျိုးပြောင်းသုံးနေတဲ့ အထာနှင့် .. ဖြုန်းပစ်လိုက်ခဲ့လေခြင်း။ ပိုက်ဆံတပြားမှ မရှာဘဲ ကစားခဲ့မိတဲ့အတွက် ကျွန်တော်တို့ သူငယ်ချင်းတွေ ပြန်ပြောမိကြတိုင်း မျက်နှာမကောင်းကြ။ မိဘပိုက်ဆံရှိတာ ကိုယ်ချမ်းသာတာမဟုတ်သည်ကို နားမလည်ခဲ့နုိုင်ကြဘဲ နောင်များပြန်တွေ့တော့ ရုပ်တွေက အကုန်နင်နေသည်။ ပိုက်ဆံ ၁ဒေါ်လာရှာနိုင်လားဟု ကျွန်တော့်ကို အဖေက စိန်ခေါ်သည်။ မင်းအဲ့ဒါကစားတာ လုံးဝ Acceptable, Fine တယ်။ လူပဲ ကစားမှာပေါ့။ ဒါပေမယ့် ခြူးတစ်ပြားဖြစ်အောင် ရှာနိုင်မလားဆိုတော့ ကျွန်တော်တွန့်သွားခဲ့တယ်။ တော်ရုံတန်ရုံသာ ဆက်ကစားခဲ့ပြီး အပြစ်ရှိသလို ခံစားခဲ့ရတယ်။ ဘ၀တစ်ခုလုံးပေးဆပ်ရမဲ့အရာတွေထဲမှာ မပါတာသေချာရင်ဘယ်ဟာမှ ပြင်းပြင်းထန်ထန် လိုက်မယားတာ ကောင်းမယ် ဟိုဆိုကာ … လျှော့ခဲ့ကြသည်။

ဒါပေမယ့် အခုအချိန်မှာ လုံးဝသေချာတာကတော့ အရင်တုံးက ဂိမ်းကစားနည်းများသည် သမိုင်းစာအုပ်ထဲတွင်သာ ကျန်ခဲ့ပါတော့မည် ဆိုတာပါပဲ။

Rgds,
-W

တနေ့က လာမေးတဲ့ မေးခွန်းတစ်ချို့နှင့် ပတ်သက်ပြီး ဖြေခဲ့တာလေးတွေ ပြန်ရှယ်ချင်လို့ပါ။ ကျွန်တော့်ကို ဘယ်အလုပ်မျိုးလုပ်ချင်သလဲတဲ့။ လောလောဆယ်တော့ ကျွန်တော် software engineer အနေနှင့် ကျောင်းမတက်ခင် ယာယီလုပ်နေတယ်ဗျ။ တနေ့တနေ့ .net, c#, sharepoint, workflows, ajax, webservices, server components, css layouts ဘာညာတွေ ပေါ့ဗျာ။ ဟုတ်ပါတယ်။ ကြားရတာနှင့် အိပ်ငိုက်ဖို့ ကောင်းလာတယ်ဟုတ်။ ခင်ဗျားတို့တော့ မသိဘူး ကျွန်တော်ကတော့ သုံးနှစ်ပြီးသွားတဲ့ကာလမှာ ကိုယ်လုပ်ချင်တာကို သေချာသိလာရလို့လားမသိဘူး၊ ပျင်းလာတယ်ဗျ။ တနေ့တနေ့ အလုပ်မှာ Stored Procs တွေ၊ Application Blocks တွေ ထိုင်ထိုင်ကြည့်ပြီး ညစ်လာတယ်။ VS 08 မပြောနှင့်၊ အနုအရွ အလှလေးတွေပါတဲ့ Expression Blend လည်း မခံစားနိုင်ဘူးဂျာ။ ကမ္ဘာ့အကောင်းဆုံး IDE ကို သုံးပေမဲ့လည်း လူက မပျော်နိုင်ဘူး။ ကျွန်တော်ပဲ Smart Enough မဖြစ်လို့နေမှာပါ။ အဲ့ဒီ Intellisense features တွေ၊ WPF, WCF အစရှိတဲ့ အရာတွေကို ကျွန်တော့်ခေါင်းသေးသေးနှင့် မမှီတာဖြစ်မှာပါ။ ဆိုပါတော့။

ဒါနှင့် ကျွန်တော်ကဖြေခဲ့တယ်။ ကျွန်တော် စိတ်ဝင်စားတာက Enterprise Connections တွေ Supply Chains တွေပါလို့။ နောက်အဲ့ဒါမှ မဖြစ်ရင် ကျွန်တော့်ကိုယ်ကျွန်တော် HCI (human computer interaction) ပညာပိုင်းဆိုင်ရာမှာ နှစ်သွင်းလိုက်နိုင်ပါတယ်လို့ပြန်ဖြေလိုက်တယ်။ HCI အကြောင်းတော့ နောက်များမှ ပြောကြတာပေ့ါ။ အခု ပထမဟာ အကြောင်းပြောမလို့။
အဲ့ဒါနှင့် ကျွန်တော့်ကို သူကမေးတယ်။ အဲ့ဒီ … Operation Management တွေက ဘာများ စိတ်ဝင်စားဖို့ကောင်းသလဲတဲ့။ မင်းလို ကျွန်ပျူတာသမားက ဘာဆိုင်လို့လဲဆိုပဲ။

ကျွန်တော် ဖြေခဲ့ပုံက –
အခုဆိုရင် ကုမ္ပဏီတွေက အင်မတန် မာကျောလှတဲ့ Vertical Structure တွေကနေ .. flexible ဖြစ်တဲ့ ရေပြင်ညီ ပေါင်းသင်းဆက်ဆံမှုတွေ linear collaboration တွေကို ပြောင်းလဲနေပါပြီ။ အဲ့လို ပြောင်းလဲနေတာဟာ အသစ်အဆန်းတော့လည်း မဟုတ်တော့ပါဘူး။ အမေရိကန်မှာ ရောင်းမကုန်ထုတ်ကုန်တွေကြောင့် .. အာရှမားကတ်ကြီး၊ အထူးသဖြင့် ထိုင်ဝမ် ( အဲ့တုံးကတော့ ကမ္ဘာ့အကြီးဆုံး ချစ်ပ်တွေထုတ်တဲ့နေရာ) တော်တော်ခံလိုက်ရတဲ့ ကာလတွေ ပြီးကတည်းက .. supply chain ပြောင်းလဲမှုတွေ .. အိုင်တီကိုအခြေခံတဲ့ ပြောင်းလဲမှုတွေ အများကြီးလုပ်ခဲ့ကြတယ်။ ဒါပေမယ့် ကုမ္ပဏီကြီးတော်တော်များများလည်း ပေတေပြီးနေခဲ့ကြတယ်။ လုပ်တဲ့ တစ်ချို့ company တွေ၊ ကလည်း .. တခြား ပေါ်လစီပိုင်း .. ကျင့်သုံးတဲ့ စံနှုန်းတွေမှာ ပြောင်းတာတွေပဲ ရှိခဲ့ပြီး နည်းပညာ၊ (အထူးသဖြင့် ကျွန်တော်တို့ ကွန်ပျူတာသမားတွေ အတွက်) အထောက်အကူတော့ ဖြစ်ဖြစ်မြောက်မြောက် မယူခဲ့ကြဘူးဗျ။ အဲ့ဒီထဲမှာ အကောင်းဆုံး ဥပမာတွေက dell တို့၊ UPS တို့ပေါ့ဗျာ။ သူတို့ တော်တော်လုပ်ခဲ့ကြတယ်။ အခု အချိန်အခါမှာတော့ ကုမ္ပဏီတွေရဲ့ စဉ်းစားတာတွေလည်း ပြောင်းလာတာပါတယ်။ အရင်တုံးက ဈေးသက်သာဖို့သက်သက်ပဲ .. အဲ့ဒီ supply chain တွေ၊ suppliers တွေအကြား ထောက်ကူမှုတွေ ဘာတွေ၊ optimize လုပ်ကြတာ။ အခုဆိုရင် Research လုပ်တဲ့နေရာ။ ဈေးကွက် Position လုပ်တဲ့ နေရာမှာတောင် အဲ့ဒီ Collaboration ဆိုတဲ့ စကားလုံးက နေ့နေ့ညည အိပ်မရတော့ဘူး။ တစ်ချိန်တုံးက ပြိုင်ဖက်တွေလည်း အခုဆို ပူးပေါင်းပြီး အသစ်အဆန်းတွေရှာမယ်။ ပြီးရင် .. Customer တွေကို ကောင်းကောင်းရောင်းမယ်။ suppliers တွေနှင့် မြန်မြန်ထက်ထက် ဆက်သွယ်ပူးပေါင်းမယ် ဆိုပြီးကြံစည်လာကြတယ်။

အဲ့ဒီလို လုပ်တဲ့နေရာမှာ အိုင်တီ အွန်လိုင်း စနစ်တွေလည်း တော်တော်ကြီးကို အသုံးဝင်လာတာကို တွေ့ရတယ်။ တစ်ယောက်နှင့် တစ်ယောက်အကြား ပိုပြီး မြန်ဆန်တဲ့ ဆက်သွယ်မှုတွေရဖို့အတွက် အင်တာနက်ကြီးက အသက်ဖြစ်လာတယ်။ Electornic Data Interchange စတဲ့ Enterprise Resource Planning စတဲ့ စနစ်ကြီးတွေ ကို သုံးလာကြတယ်။ မ၀ယ်နိုင်ရင် in-house ကိုယ့်ကိုယ်ရေးသုံးတယ်။ သူတို့လည်း မြင်လာတယ်။ အခုလို စနစ်တွေကို သုံးခြင်းအားဖြင့် ဈေးလည်းပေါပြီး အလုပ်လည်းတွင်တယ်ဆိုတာ။ ၀ယ်သူတွေကလည်း ဈေးသက်သာပြီး အချိန် Save ဖြစ်တာကို ကြိုက်ပါတယ်။ ဒါတွေက တစ်စိတ်တစ်ပိုင်းတွေပါ။ အဓိကက ကွန်ယက်အသုံးပြု စနစ်တွေ၊ ဒေတာ flow တွေပေါ်မှာ ပိုပြီးမူတည်လာတယ်ဆိုတာကို ပြောချင်တာပါ။

ဟို အရင်ခေတ်ကလို project based, share point based ဆော့ဖ်ဝဲစနစ်ကြီးတွေပဲ ရေးနေတယ်လို့လည်း မျက်လုံးထဲမှာ မမြင်လိုက်ပါနှင့်ဦး။ ကုမ္ပဏီအတွင်းမှာ သုံးတဲ့ ချတ်တင်းဆော့ဖ်ဝဲလေးတွေ၊ Supplier status ကိုလှမ်းကြည့်လို့ရတဲ့ widget လေးတွေ၊ Delivery Status ကိုလှမ်းထောက်လို့ရတဲ့ web services တွေက အစ၊ semantic data search တွေ၊ intelligent အော်တိုငုတ်တုတ် လုပ်သွားမဲ့ macro စနစ်တွေ အကုန်ပါပါတယ်။ အဓိကက Value, တန်ဖိုးတစ်ခု ယူဆောင်ပေးလာနိုင်တဲ့အရာမှန်သမျှကို ဒီဖက်ခေတ်ရဲ့ Operation Management, Supply Chain, IT Infrastructure ဘာပဲခေါ်ခေါ် နာမတပ်နိုင်ပါတယ်။ အဲ့တော့ ကျယ်ပြန့်တယ်ပေါ့ဗျာ။ INSEAD က ခန့်မှန်းတဲ့ ဆောင်းပါးတစ်ခုက ဘာပြောသလဲဆိုရင် .. ဒီနှစ်အတွင်းပိုင်းမှာ သုံးခုက သိသိသာသာ တိုးတက်လာမဲ့ Operation စီမံခန့်ခွဲမှုနေရာတွေက ..

၁။ Open source နည်းပညာတွေသုံးတဲ့၊ Standards တွေကို လိုက်နာတဲ့ ဒေတာ စနစ်တွေ. စနစ်ကြီးတွေဖြစ်တဲ့ ERP, SAP, EDI, CRM စတာတွေ တိုးပွားလာပါမယ်တဲ့။ အခုတောင် SAP က ဆရာကြီးမလုပ်နိုင်တော့ဘူး။ ကျွန်တော်တို့ဆီမှာ ကိုယ့်ဟာကိုယ်ပြန်ရေးပြီးသုံးနေတာတွေလည်း များလာပြီ။ ဈေးကြီးပေးမတတ်နိုင်ရင် ကိုယ့်ဟာကိုယ် J2EE ဖြစ်ဖြစ်နှင့် ကောက်ရေးလိုက်ပါတဲ့။

၂။ အချက်က ၀ဗ် နည်းပညာတွေပါ။ ဂူဂယ်က လုပ်တဲ့ Open Social တို့၊ Facebook ရဲ့ API တို့၊ iPhone SDK တို့ကို ကစားစရာ၊ တစ်ယောက်နှင့်တစ်ယောက် Poke စရာလို့ မမြင်ပါနှင့်တဲ့။ ဟုတ်ပါတယ်။ ဒီဘက်ခေတ်မှာ နည်းပညာဘယ်ဟာမဆို.. အွန်လိုင်းအခြေခံ ဘယ်ဝန်ဆောင်မှုမဆို သင့်မန်နေဂျာတွေရဲ့ စဉ်းစားဆုံးဖြတ်နိုင်စွမ်းရည်ကို တိုးတက်စေရင်သော်လည်းကောင်း။ ကုမ္ပဏီတန်ဖိုး နာမည် ( Branding ) တက်စေရင်သော်လည်းကောင်း၊ CRM, Marketing, Design စတဲ့ ရှုပ်ပွကွဲထွက်နေတာတွေကို တစ်ခုတည်း တစုတစည်းပေါင်းပြီး အလုပ်ဖြစ်အောင် လုပ်ပေးနိုင်တဲ့ integrator တွေ အရေးပါလာပါတယ်တဲ့။ ခင်ဗျားဘာသုံးသုံး GTD, productivity မြင့်တဲ့ဟာတွေသုံးရင် ပြီးတာပါပဲဗျာ။

၃။ ကတော့ ဒီ အီးမားကတ်တွေပါတဲ့။ ဈေးရောင်းတဲ့ ၀န်ဆောင်မှုတွေ၊ ebay လို အမေဇုန်လိုဟာတွေ၊ ဘီလ်ပေးတာလေးတွေ အစရှိသဖြင့် e-portal, market တွေများလာမယ်။ အသုံးပြုသူတွေ တိုက်ရိုက်ဝယ်ယူနိုင်တဲ့ ဆိုက်လေးတွေ တဟုန်ထိုးတိုးတက်လာမယ်လို့ခန့်မှန်းထားပါတယ်။ ဟုတ်ပါတယ်။ ကျွန်တော်ကတော့ ဒါတွေကို Highly fragmented, but neatly collaborated service တွေလို့ မြင်ပါတယ်။ ပွလေလေ၊ ပေါ့လေလေ၊ လုပ်ရကိုင်ရလွယ်လေ မဟုတ်ဘူးလားဗျ။ =)

ဆိုပါတော့ဗျာ … ဒီတော့ပစ်တွေက ပိုပြီး General လည်းကျတယ်။ ကျွန်တော်နှင့် ဒါမျိုးနဲ့ပဲ ကိုက်မယ်ထင်ပါတယ်။ ကိုယ်က ဥာဏ်လည်းစူးစူးရှရှနှင့် အခန်းအောင်းပြီးလုပ်တဲ့အရာမျိုးတွေမှာ မထိရောက်တော့ဘူးလို့ ခံစားလာရလို့ပါ။ ပျော်ရာသန်ရာပေါ့နော်။ =P ကျွန်တော့် သူငယ်ချင်းတစ်ချို့ကတော့ .. အခု ကွမ်တမ်နှင့်ရူပဗေဒကို အထူးပြုတဲ့လူကပြုနေ၊ quantitative analysis တွေလုပ်မဲ့လူကလုပ်၊ research တွေလုပ်ဖို့ ကြံနှင့် … ငါစိတ်ညစ်တယ်နော်လို့။ ကျွန်တော် ကတော့ လိုင်းသောင်းခြောက်ထောင်ကို တနေ့လုံးထိုင်ရေးဖို့ မခံစားနိုင်တော့ဘူးဗျ။ ကော်ဖီနှင့် အသက်ဆက်နေရပြီး … ဥာဏ်အဲ့လောက်မထက်တော့ဘူး။ ဒေတာတွေအများကြီး၊ လူတွေအများကြီးကို Overall ခြုံကြည့်ပြီး စေ့စပ်တွေးခေါ်တာတွေ၊ ခန့်မှန်းတာတွေ၊ ပေါင်းသင်းဆက်ဆံတာတွေ၊ ခေါင်းဆောင်တာတွေဆိုရင် ရနိုင်သေးတယ်။ အကြံဥာဏ်တွေ၊ စနစ်တွေ ချတာတွေဆိုရင် သင်ယူနိုင်တဲ့ ခွန်အားလေးကျန်သေးတယ်။ Algorithm တွေ ခပ် deep deep, အခန်းအောင်း ကျင့်စဉ်တွေတော့ မနိုင်တော့လို့၊ ကျွန်တော်ဒီအလုပ်ကို စိတ်ဝင်စားရခြင်း ဖြစ်ပါတယ်လို့ နောက်ဆုံးဖြေခဲ့တယ်ဗျ။ နောက်ပြီး အမြဲတမ်း ပြောင်းလဲနေတဲ့ သဘာဝနှင့် သစ်ဆန်းမှု၊ လုပ်ရတဲ့အလုပ်ရဲ့ ကျယ်ပြန့်မှုအ၀န်းအတာ၊ စိန်ခေါ်မှုအသစ်တွေကို လိုက်ပါဝင်ကစားချင်မှုတွေကလည်း ကျွန်တော့်ရဲ့ အဖြေကို အထောက်အပံ့ပေးတဲ့ အချက်တွေပါပဲဗျာ။

ဆရာတို့ရော ဘယ်လိုတွေ စဉ်းစားလေ့ရှိသလဲ။ ဘယ်အချက်တွေက ဒီနေ့အချိန်ထိ မောင်းနှင်ပေးထားသလဲဆိုတာ Comment ပေးခဲ့နိုင်ပါတယ်ဗျ။

Rgds,
-W

အလုပ်လုပ်နေတော့ စာရေးရတာ အင်မတန်ခက်ခဲသွားပါတယ်။ တနေ့တနေ့ ခေါင်းတစ်ကုတ်ကုတ်နှင့်ဆိုတော့ အိမ်ပြန်ရောက်ရင် ဆံပင်တွေလည်းကုန်၊ လူလည်းနုံနှင့် သတင်းလေးဖတ်ပြီးအိပ်ရတော့တာပဲ။ သတင်းဖတ်နိုင်သေးတာတောင် ဒါတော်တော်ဇွဲနှင့် လုပ်လိုက်ရတာလို့ခေါ်မယ်။ မဖတ်တော့လည်း မသိ၊ မသိတော့ သူများပြုသမျှ မခံရလေအောင် နည်းနည်းတော့ လုပ်ထားရတာပေါ့။

ကျွန်တော် မနေ့က တွေ့လိုက်တယ်။ ကနေဒါနှင့် အမေရိကားမှာ ဒဲလ်က အူဘန်းတူးတွေ နှင့်စတင်ရောင်းချတော့မယ်ဆိုပဲ။ ဘယ်လိုလာမလဲတော့ မသိဘူး။ ကျွန်တော်တော့ဖြင့် Ubuntu မသုံးတာ ကြာလှပြီ။ တနေ့တနေ့ အဲ့ဒီ မိုက်ခရိုဆော့ဖ်ရဲ့ အမျိုးမျိုးသော tools တွေ၊ T-SQL တွေ၊ C#တွေ၊ Silverlight, Atlas တွေနှင့် လုံးပါးပါးနေလိုက်တာ၊ အင်း ပိုက်ဆံလေးရတော့လည်း ခဏတော့ အောင့်အီးပြီး ရေးနေတယ်ဗျာ။ ၅လပါပဲ။ ပြီးရင်တော့ Portfolio ကောင်းကောင်းလေးရ၊ ကျောင်းပြန်တက်ပြီး တခြား ပရောဂျက်တွေပဲ ဆက်လုပ်တော့မယ်။ developing ကတော့ တစ်သက်လုံးမလုပ်ဘူးဗျာ။ ဟိုတလောက ROR ဆော့ဖ်ဝဲဟောက်စ် ၁ခုမှာ ခေါ်တာတွေ့သော်လည်း မသွားလုိုက်ရဘူး၊ Ruby နှင့် လုပ်စားရတာ အခုဟာထက်တော့ နည်းနည်း excitement ရှိဦးမယ်ထင်တယ် =P

နောက်ပြီးတော့ မိုက်ခရိုဆော့ဖ်ဗျာ။ ကလေးအနိုင်ကျင့်ပြန်ပြီ။ ယာဟူးကို တရားစွဲမလို့တဲ့။ မရရတဲ့နည်းနဲ့ ၀ယ်မယ်ထင်ပါတယ်။ အဲ့ဒါမှလည်း ဂူဂယ်က အားရပါးရ ကြိတ်နေတာကို သူတို့မှာ ကာဖို့ ထန်းလက်၁ခုရှိတာပေါ့။ အခုတော့ Detroit က ပင်စင်စားတွေ၊ မီးသတ်သမားတွေကို ခုတုံးလုပ်ပြီး တရားစွဲ အနိုင်ပိုင်းဖို့လုပ်ပြီ။ သြော် desperate to bid ဆိုတာ ဒါမျိုးထင်ပါတယ်။

တရားစွဲတယ်ဆိုလို့ ပန်းသီးနှင့် starbucks လည်း စွဲခံရတာတွေ့မိမှာပါ။ ဘာတဲ့ လူတွေကိုတဲ့ ပစ္စည်းဝယ်လို့ရတဲ့ Gift Card လေးတွေပေးပြီး သီချင်းတွေရောင်းလို့ဆိုပဲ။ ဒါမျိုးဆိုတာ ခုခေတ်မှာ လူတိုင်းသုံးနေတဲ့အရာပါ။ ကဒ်ကလေးယူ၊ အိမ်ပြန်သွားတော့ ခဲလေးခြစ်၊ နံပါတ်လေးကြည့် သီချင်းလေး ဒေါင်းလုပ်လုပ်၊ ဒါပဲလေ။ ဘာမှ ဆန်းတာမဟုတ်တာကို အဲ့ ကုမဏီက သူတို့ patent ပါဆိုပြီး ရစ်နေသဗျိူး။ ပိုက်ဆံများမရရတဲ့နည်းနှင့် ညှစ်ချင်ကြတာကိုး။ လူတွေက ကိုယ်တိုင်တော့ ကောင်းကောင်းမွန်မွန်မရှာဘဲနှင့် သူများထမင်းအိုးကို နှိုက်ချင်တယ်။

အင်း … ကြုံရင်ကြုံသလိုရေးပါ့မယ်။

Rgds,
WaiPK